يـــا هيك الحب يا بلا

كان يا ما كان
في قديم الزمان
كان في شب وسيم بيحب صبية حلوة بالحي اللي جنب حيه (طبعا بيحبها عن جد مو حب هالأيام!!!)
و مرة اجت الصبية و قالتلو انو اهلها بدون يزوجوها لشخص تاني(هلء الشباب بيقولو ملعوبة و قصة قديمة و لهلء البنات عم يأخدو فيها)
مرض الشب كتير و ما كان بأيدو يعمل شي (هلء البنات بيقولو هي عادة الشباب بيتأثروا بس ما بيحركو ساكن).
المهم عجز الأطباء عم معالجة هالشب اللي وصل للموت .
و بيوم من ذات الأيام سمع رجل حكيم بقصة هالشب فقرر يروح يشوفو بلكي بيعرف شو عم يشكي و بيعرف دواه!!!
و لما راح و تأكد انو الشب ما بيشكي من اي مرض عضوي و مشكلتو نفسية بحتة(يعني عشئاااان) ,طلب من والد الشب انو يذكر اسماء الأحياء القريبة, لما وصل الأب للحي اللي ساكنه في محبوبته لاحظ الحكيم انو دقات قلب الشب زادت فطلب من الأب انو يذكر اسماء العوائل بهاد الحي و مرة تانية زادت دقات قلب الشب اكتر لما سمع اسم عائلة محبوبته ,هون طلب الحكيم من الأب يذكرلو اسماء أفراد هالعيلة و طبعا قلب الشب طلع من محله لما سمع اسم حبيبته (بهالايام اذا سمع الشب اسم حبيبته رح يقول :اي وحدة منون لانو حابب شي اربعة بهالاسم )
و هيك راح الحكيم مع والد الشب لعند اهل البنت و شرحولون الئصة و مرض هالشب المسكين ومعاناته .و لحسن الحظ تمت الموافقة على زواج الشب و الصبية و عاشو بسبات و نبات و خلفو صبيان و بنات .
و يـــــــــــــــــا هيـــــك الحـــــب يا بـــــــــــــلا
و توتة توتة خلصت الحتوتة
حلوة و لا مفتوكة؟؟؟؟؟

يا سلام